Тараз политехникалық колледжі

Колледж психологы Шерелхан Ақмаржан Алтынханқызының жетекшілігімен колледжімізде Тараз қаласы әкімдігі Ішкі саясат бөліміне қарасты Жастар ресурстық орталығы КММ-нің Дін және жастарға қызмет көрсету секторының меңгерушісі Зүнүнқожа Зұлқарнаин Бұрханұлы арнайы қонақ болып келді.

Ол 1-курс студенттерімен кездесу өткізіп, жастардың қоғамдағы белсенділігі, рухани-адамгершілік құндылықтар, жат ағымдардың алдын алу және дұрыс өмірлік ұстаным қалыптастыру жайында мазмұнды әңгіме өрбітті.

Кездесу барысында студенттер көкейлеріндегі сұрақтарын қойып, өз ойларымен бөлісті. Бұл шараның мақсаты – жастардың саналы көзқарасын қалыптастырып, отансүйгіштікке, толеранттылыққа және білімге ұмтылуға шақыру болды.